नुवाकोट – नुवाकोट जिल्ला शिवपुरी गाउँपालिका– १ मा नयाँ वर्षको उपलक्ष्यमा सदाको वर्षझैँ भगवान माङ्चेभुमेको जात्रा लागेको छ। शिवपुरी गाउँपालिका –१ दिङ्गाममा अवस्थित यस मन्दिरलाइ पालिकाको पूर्वी भेगका जनताले शक्तीपीठको रुपमा पुज्ने गर्छन्।
शिवपुरी गाउँपालिकाको अध्यक्ष गोविन्द थपलियाले रिबन काटेर उद्घाटन गरिएको यस जात्रामा हजारौ भक्तालुजनले प्रत्यक्ष दर्शन गरेका थिए।
शिवपुरी–१ का वडाध्यक्ष सुकुराम तामाङसहित स्थानीय सरकारका प्रमुखहरु उपस्थित भएको यस जात्रामा दर्जनौँ झाँक्री सुमुहहरु उपस्थित थिए। पूजापश्चात पालिका अध्यक्षले सुरुवाती वर्षदेखि पालिकाबाट जात्रा ब्यवस्थापनमा बजेट हालेको जानकारी दिए।
उनले गाउँपालिकाको नै महत्वपूर्ण धार्मिक स्थललाई पर्यटन क्षेत्रको रुपमा विकास गराउन सके यस क्षेत्रका जनताको आर्थिक तथा सांस्कृतिक पाटो अझै बलियो हुने बताए।
वडाबाट सकेको सहयोग गरेको जानकारी दिँदै वडाध्यक्ष सुकुराम तामाङले अझै यस ठाउँको प्रचार प्रसार गर्न सके आर्थिक लाभ लिन सकिने बताए।
भर्खरै
लोकप्रिय
