सिमकोट – सिमकोट गाउँपालिका– ८ को सैपाल माध्यमिक विद्यालयका विद्यार्थीलाई भत्किएको जीर्ण भवनमा पठनपाठन र परीक्षा दिनुपर्ने बाध्यता छ। भवन निकै पुरानो र त्यसमा मङ्गलबार भवनको एकापट्टी भत्किए पनि त्यसै भवनमा अध्ययन गर्नुपर्ने र परीक्षा दिनुपरेको हो।
प्रधानाध्यपक देवबहादुर बुढाका अनुसार हाल विद्यालयमा पहिलो त्रैमासिक परीक्षा चलिरहेको छ। ठाउँ अभावले भत्किएको जीर्ण भवनमा विद्यार्थीले परीक्षा दिनुपरको छ। निकै जीर्ण भवन भएकोले मङ्गलबार बिहान भवनको एकपट्टी भाग भत्किएको थियो। विद्यार्थीले त्यही भवनको काेठामा बसेर परीक्षा दिनुपरेको छ।
उनले विद्यार्थीर शिक्षक परीक्षामा डराएर सहभागी भइरहेको जानकारी दिँदै त्यसको बिकल्प विद्यालयसँग नभएको बताए। सिमकोट गाउँपालिका–८ का वडाध्यक्ष कमल बुढाले विद्यालयले दयनीय अवस्थामा पठनपाठन र परीक्षा सञ्चालन गर्नुपर्ने अबस्था रहेको बताए। सात कोठे पुरानो जीर्ण भवनको गाह्रो भत्किएपछि त्यसै कोठामा बसेर विद्यार्थीले परीक्षा दिइरहेका हुन्
भर्खरै
लोकप्रिय
