टी-२० विश्वकप अन्तर्गत समूह ‘ए’ को दोस्रो खेलमा भारतले पाकिस्तानलाई जितका लागि १ सय २० रनको सामान्य लक्ष्य प्रस्तुत गरेको छ। न्युयोर्क स्थित नासाउ काउन्ट्रि अन्तर्राष्ट्रिय क्रिकेट मैदानमा टस हारेर पहिले ब्याटिङ गरेको भारत अन्तिम ओभर बाँकी हूँदा १ सय १९ रनमा अलआउट भयो। टी-२० विश्वकपमा भारतको यो सर्वाधिक कम स्कोर समेत हो।
टस हारेर पहिले ब्याटिङ गरेको भारतका लागि ऋषभ पन्तले सर्वाधिक ४२ रन बनाउँदा अक्षर पटेलले २० रन बनाए। त्यस्तै रोहित शर्माले १३ रन बनाउँदा अन्य खेलाडीले भने दोहोरो स्कोरमा रन बनाउन सकेनन्।
भारत विरुद्ध कसिलो बलिङ गर्ने क्रममा पाकिस्तानका नसिम साह र हरिस रउफले ३-३ विकेट लिए। साहले ४ ओभर बलिङ गर्दै २१ रन दिएर ३ विकेट लिंदा ३ ओभर बलिङ गरेका रउफले पनि २१ रन खर्चिएर ३ विकेट लिएका थिए।त्यस्तै मोहम्मद अमीरले २ विकेट हात पार्दा सहिन साह अफ्रिदीले १ विकेट लिए।
भर्खरै
लोकप्रिय
