अ
+
अ
अ
-
काठमाडौँ – काठमाडौँ महानगरविरुद्ध कबाड व्यवसायीले आज पनि प्रदर्शन गरेका छन्। उनीहरुले काठमाडौँ महानगरपालिकाले गरेको रिङरोडभित्रबाट कबाड संकलन केन्द्र हटाउने निर्णयविरुद्ध प्रदर्शन गरेका हुन्। उनीहरुले आइतबारदेखि प्रदर्शन थालेका हुन्।
मंगलबार र्यालीसहित महानगर कार्यालय घेराउ गर्न पुगेका कबाड व्यवसायी र प्रहरीबीच झडपसमेत भएको छ। त्यसक्रममा प्रदर्शनकारीले प्रहरीमाथि ढुंगामुढा गरेपछि प्रहरीले लाठी चार्ज गरेको हो।
कबाड व्यवसायलाई विस्थापित गर्ने उद्देश्यले रिङरोडभित्रका कबाड संकलन केन्द्र हटाउन लागिएको भन्दै व्यवसायीहरुले आन्दोलन गर्नुपरेको बताएका छन्।
महानगरले यसअघि माइकिङ गरेर कबाड संकलन केन्द्र हटाउन सूचना गरेको थियो। तर कबाड व्यवासयीले कबाड संकलन केन्द्र हटाउन नमानेपछि महानगरले डोजरसमेत चलाएको थियो।
भर्खरै
लोकप्रिय
