भारतद्वारा अफगानिस्तानलाई १ सय ८२ रनको लक्ष्य

काठमाडौं- टी-२० अन्तर्गत सुपर आठको आफ्नो पहिलो खेलमा भारतले अफगानिस्तानलाई १ सय ८२ रनको लक्ष्य प्रस्तुत गरेको छ। टस जितेर पहिले ब्याटिङ गरेको भारतले निर्धारित २० ओभरमा ७ विकेट गुमाएर १ सय ८१ रन बनायो।

भारतका शीर्ष क्रम लामो समय क्रिजमा रहन असफल भएपनि मध्य क्रमले इनिङ समाल्दा भारतले उच्च स्कोर बनायो। भारतका लागि सुर्यकुमार यादवले २८ बलमा ५ चौका र ३ छक्का प्रहार गर्दै ५३ रन बनाए। त्यस्तै विराट कोहलीले २४ रन बनाउँदा हार्दीक पाण्ड्याले ३२ रन बनाए। थप दोहोरो स्कोरका रुपमा ऋषभ पन्तले २० रन बनाउँद शिवम् दुवेले १० रन बनाए। अक्षर पटेल १२ रनमा अविजित रहे।

अफगानिस्तानका लागि रसिद खान र फजलहक फारुखीले ३-३ विकेट लिए। फारुखी जारी विश्वकपमा सर्वाधिक विकेट लिने खेलाडी समेत बनेका छन्। उनीहरुबाहेक नभिन उलहकले १ विकेट लिए। केही समय पछि अफगानिस्तान जवाफि ब्याटिङका लागि मैदान उत्रिने छ।