प्रतीक थापालाई सरकारी वकिलको कार्यालय लगियो (तस्बिरसहित)

काठमाडौँ – नक्कली भुटानी शरणार्थी प्रकरणमा पक्राउ परेका प्रतीक थापालाई जिल्ला सरकारी वकिलको कार्यालय लगिएको छ।

सरकारी वकिलको कार्यालयमा हाजिर गराएर उनलाई आजै म्याद थपका लागि जिल्ला अदालत काठमाडौँ लगिने छ।

उनलाई प्रहरीले शुक्रबार काठमाडौँको बौद्धबाट पक्राउ गरेको थियो। शनिबार बिदा भएकोले थापालाई म्याद थपका लागि आइतबार अदालतमा पेश गर्न लागिएको हो।

उनी नेकपा एमालेका उपाध्यक्ष तथा पूर्वगृहमन्त्री रामबहादुर थापा बादलका छोरा हुन्।