काठमाडौं– तराई–मधेशमा चुरे संरक्षण र पानीको अभाव समस्या समाधान गर्न माग गर्दै माइतीघरदेखि बानेश्वरसम्मस मधेशवासीहरू पुनः प्रदर्शनमा उत्रिएका छन्। शुक्रबार माइतीघरदेखि बानेश्वरसम्म उनीहरूले प्रदर्शन गरेका हुन्।
प्रदर्शनमा बृहत् नागरिक आन्दोलनले पनि समर्थन जनाउँदै ब्यानरसहित सडकमा उत्रिएको छ।
‘सरकार पानी देऊ, वनलाई डढेलोमुक्त बनाऔ, भूमिविहीनका नाममा चुरे अतिक्रमण बन्द गर, खानीका खातिर रुख रोपौं’ लगायत नारा मधेशवासी र वृहत नागरिक आन्दोनलमा सहभागीले नारा लगाइरहेका छन्।
वैशाख १६ गतेदेखि पैदल हिंडेर मधेशको पानीको समस्याबारे सरकारलाई जानकारी गराउन र समस्या सम्बोधनका लागि दबाब दिन काठमाडौं आएका मधेशका विभिन्न जिल्लाका बासिन्दा करिब ३ महिनाअखि माइतीघरमा धर्ना बसिरहेका थिए।
चुरे संरक्षण अभियन्ता सुनिलकुमार यादवले चुरे संरक्षणको नाममा सरकारले हरेक वर्ष करोडौं रुपैयाँ खर्च गरे पनि चुरे विनाशका कारण मधेशमा ८० प्रतिशत चापाकल सुकेको बताउँछन्। आफूहरु चुरे संरक्षणको माग उठाएर आन्दोलन गर्दा दलहरुले बेवास्ता गरेको भन्दै उनले आक्रोश पोखेका छन्।
भर्खरै
लोकप्रिय
