काठमाडौँ- प्रधानमन्त्री केपी शर्मा ओलीले प्रधानमन्त्रीसँग सांसदको प्रश्नोत्तर कार्यक्रममा विषयान्तर गर्न खोजेपछि माओवादी केन्द्रका सांसद वर्षमान पुनले आपत्ति प्रकट गरेका छन्।
प्रतिनिधिसभा बैठकमा प्रधानमन्त्री ओली सोमबारे सांसदसँगको सवालजवाफका लागि रोष्ट्रममा पुगेपछि सांसदको प्रश्नको जवाफ दिनुको साटो विषयान्तर गर्दै विद्युत महसुललगायतका विषयमा केन्द्रित भएर बोल्न थालेका थिए। यो कुरा पूर्वअर्थमन्त्री तथा माओवादी सांसद वर्षमान पुनलाई चित्त बुझेन। उनले आसनबाट उठेर नियमापत्ति जनाए।
उनले सभामुखमार्फत प्रधानमन्त्रीले गालिगलोज गरेको भन्दै आपत्ति जनाएका थिए। पुनको कुरा सुनेपछि प्रधानमन्त्रीले कसले गाली गरेको छ र ? भनेर प्रतिप्रश्न गरेका थिए।
त्यसपछि सभामुख घिमिरेले पुनलाई आसन ग्रहण गर्न र प्रधानमन्त्रीलाई विषय केन्द्रित गर्न ध्यानाकर्षण गराएका थिए। फेरि प्रधानमन्त्रीले आफू विषय केन्द्रित नै भइरहेको बताएका थिए।
भर्खरै
लोकप्रिय
