काठमाडौँ-सङ्क्रमणकालीन न्याय (टीआरसी)को विधेयकमा जुट्न नसकेको बुँदामा सहमति खोज्न शुक्रबार कार्यदलको बैठक बसिरहेको छ। उक्त विधेयकमा सहजीकरणका लागि बनाइएको कार्यदलको बैठक सिंहदरवारमा जारी छ। बैठक गृह मन्त्रालयमा बसेको छ।
बैठकमा कार्यदल सदस्यहरू नेपाली कांग्रेसबाट गृहमन्त्री लेखक, नेकपा एमालेबाट महेश बर्तौला र नेकपा माओवादी केन्द्रबाट जनार्दन शर्मा छन्। यसअघि प्रमुख राजनीतिक दलहरू टीआरसी विधेयक र शान्ति प्रक्रियाका काम सहमतिमै टुङ्ग्याउन सहमत भएका थिए।
संसदमा विचाराधीन सत्य निरूपण तथा मेलमिलाप आयोग र बेपत्ता पारिएका व्यक्तिको छानबिन आयोगसम्बन्धी विधेयकमा दलहरूबीच बालसेनाको मामिलालाई ऐनमा कसरी उल्लेख गर्ने र मेलमिलापका घटनामा पीडितको स्वतन्त्र सहमति नभए के गर्ने भन्नेबारे छलफल शुरु भएको छ।
कांग्रेस,एमाले र माओवादी शीर्ष नेता सम्मिलित बैठकले तीन साताअघि गठन गरेको कार्यदलका सदस्यहरूबीच बुधबार यी दुई विषयमा छलफल भए पनि सहमति जुट्न सकेको थिएन।
भर्खरै
लोकप्रिय
