अ
+
अ
अ
-
धनगढी – सुदूरपश्चिम प्रदेशको मुख्य धार्मिक तथा पर्यटकीय क्षेत्र बडिमालिकाको दर्शन गर्न गएका एक जनाको उद्धार गरिएको छ।
अक्सिजनको कमीले बिरामी परेका अछाम जिल्लाको चौरपाटी गाउँपालिका ५ लुङग्राकी अन्दाजी ६३ वर्षीया पवना खड्कको हेलिकप्टरमार्फत उद्धार गरिएको हो।
यही भदौ २ गते अर्थात आइतबार बडिमालिकामा लाग्ने मेलाको दर्शनका लागि जाँदै गरेकी खड्कालाई लेक लागेर अक्सिजनको कमी भएर बिरामी परेपछि शनिबार दिउँसो नेपाली सेनाको हेलिकप्टरमार्फत थप उपचारको लागि सुर्खेत पठाइएको जिल्ला प्रहरी कार्यालय बाजुराले जानकारी दिएको छ।
प्रहरीका अनुसार खड्का बडिमालिका जाने क्रममा शुक्रबार राति त्रिवेणी पाटनमा बिरामी भएकी थिइन्। उनको उद्धारपछि सुर्खेतमा उपचार भइरहेको र अक्सिजन अभावले खड्काको अवस्था गम्भीर रहेको जनाइएको छ।
भर्खरै
लोकप्रिय
