पोखरा- पोखरामा रास्वपा सभापति लामिछाने पक्राउकाे विरुद्धमा रास्वपाका नेताकार्यकर्ताले गरेकाे विरोध प्रदर्शन झन चर्किएकाे छ।
लामिछानेको समर्थनमा भइरहेको प्रदर्शनलाई नियन्त्रण गर्न जिल्ला प्रशासन कास्कीले आइतबार पोखरा महानगरपालिकामा निषेधाज्ञा जारी गरेको थियो।
शहिदचोक र गैरापाटन आसपासको क्षेत्रमा प्रशासनले निषेधाज्ञा जारी गरेको हो। शहिदचोकदेखि वाइचोक, बैदाम फिस्टेलगेट, मालपोत कार्यालय कास्की र मुस्ताङचोकसम्म निषेधाज्ञा जारी भएको छ।
निषेधित क्षेत्रमा प्रदर्शन गरिरहेका रास्वपा नेताकार्यकर्तालाई हटाउन खोज्दा प्रहरी र उनीहरुबीच धकेलाधकेल भएको थियाे।
धकेलाधकेल हुँदा पनि उनीहरुले रवि पक्राउको विरोधमा सहिदचोकमा नाराबाजी गरिरहेका छन्। उक्त भिड हटाउनलाई प्रहरीले पानीको फोहोरा हानेकाे थियाे।
पानीको फोहोरा हान्दा पनि भिड नियन्त्रणमा आउन सकेको छैन।
भर्खरै
लोकप्रिय
