सहकारी ठगी प्रकरणमा पक्राउ परेका राष्ट्रिय स्वतन्त्र पार्टी(रास्वपा)का सभापति रवि लामिछानेको रिहाइको माग गर्दै नेता-कार्यकर्ताले आइतबार माइतीघरमा प्रदर्शन गरेका छन्।
आज माइतीघरस्थित सरकारी वकिलको कार्यालयमा सभापति लामिछानेको बयान चलिरहँदा उनको रिहाइको माग गर्दै नेता-कार्यकर्तालेले शान्तिपूर्ण प्रदर्शन गरेका हुन्।
सहभागीले ‘रवि दाइलाई रिहा गर’, ‘राजनीतिक प्रतिशोध बन्द गर’लगायतका पम्प्लेट बोकेका छन्।
शुक्रबार बयान नसकिएकाले आइतबार पनि उनको बयान लिइएको प्रहरीले जनाएको छ। कालिमाटीको स्वर्णलक्ष्मी सहकारीको रकम अपचलन गरेको आरोपमा बिहीबार साँझ कास्कीबाट काठमाडौँ ल्याएर उनलाई प्रहरी परिसर काठमाडौँको हिरासतमा राखिएको थियो।
उनलाई लिन काठमाडौँ प्रहरी परिसरका एसपी नवराज अधिकारी आफैँ विमानस्थल पुगेका थिए। लामिछानेसँग शुक्रबारदेखि बयान लिन थालिएको थियो। शुक्रबार ६ घण्टा लामो बयान उनीसँग लिइएको थियो।
तस्बिरहरू:
भर्खरै
लोकप्रिय
