काठमाडौँ – नेपाल प्रिमियर लिग (एनपिएल)मा विराटनगर किंग्सलाई हराउँदै कर्णाली याक्सले दोस्रो जित निकालेको छ। शनिबार भएको दिनको दोस्रो खेलमा कर्णालीले विराटनगरलाई ७ रनले पराजित गरेको हो।
टस हारेर पहिले ब्याटिङ गरेको कर्णालीले निर्धारित २० ओभरमा अलआउट हुँदै १३३ रन बनाएको थियो। कर्णालीका लागि देव खनालले ५३ र विलियम बोसिस्टोले ६६ रन बनाएका थिए।
कर्णालीलाई सस्तैमा समेट्न विराटनगरका प्रतिश जिसीले ४ विकेट लिए। यस्तै, बसिर अहमद र क्रिस सोलले २–२ तथा अकिब इलियसले १ विकेट लिए।
१३४ रनको लक्ष्यसहित जवाफी ब्याटिङ गरेको विराटनगरले निर्धारित २० ओभरमा ८ विकेटको क्षतिमा १२६ रन मात्रै बनाउन सक्यो। उसका लागि निकोलस कीर्टनले ४०, लोकेश बमले १९ र दिपक बोहराले १८ बनाए।
कर्णालीलाई जिताउन बलिङतर्फ नन्दन यादवले ३, विपिन शर्माले २ तथा सोमपाल कामी, विलियम बोसिस्टो र युनिस ठकुरीले १–१ विकेट लिए।
आज शनिबार पनि भएकोले त्रिवि क्रिकेट मैदानमा दर्शकको उपस्थिति उल्लेख्य थियो। 
भर्खरै
लोकप्रिय
