गुरुङ समुदायले नयाँ वर्षलाई स्वागत गर्दै आज ‘तमु ल्होसार’ पर्व मनाएका छन्। आज काठमाडौंको बसन्तपुरबाट र्याली सुरु भई नेपाल विद्युत प्राधिकरणको गेटमा हुँदै सहिद गेट र सुन्धारा हुँदै टुडिखेल गएको थियो। यहाँ विशेष कार्यक्रमको आयोजना गरिएको छ।
र्यालीमा सहभागीले गुरुङ संस्कृति झल्किने विभिन्न खाले झाँकी प्रदर्शन गरेका थिए।
तमू ल्होसारको आफ्नै अर्थ र विशेषता छ। यसमा ‘ल्हो’को अर्थ वर्ष र ‘सार’को अर्थ फेरिनु भएकाले वर्ष फेरिने दिनलाई ‘तमु ल्होसार’ भनिएको हो। तमु ल्होसार गुरुङ समुदायले नयाँ वर्षका रुपमा भव्यरुपमा मनाउने गर्छन्।
‘तमु ल्होसार’ पर्व सूर्यको किरणसँग सम्बन्धित छ। गुरुङ बाहुल्यता रहेको लमजुङ, गोरखा, तनहुँ, स्याङ्जा, मनाङ, कास्की, पर्वतलगायतमा सूर्यको ताप पहिले आउने भएकाले पुस १५ मा यो पर्व मनाउने गरिएको किम्वदन्ती छ।
यसपछि क्रमशः तामाङ र शेर्पा जातिको बसोवास भएको क्षेत्रमा सूर्यको ताप आउने भएकाले माघ र फागुनमा यो पर्व मनाइने विश्वास गरिन्छ।
पुस १५ गतेको रात सबैभन्दा लामो हुने र यसपछिका रात घट्दै जाने भएकाले पनि यस पर्वको महत्व रहेको बताइन्छ।
तमु ल्होसारका अवसरमा आज सरकारले सार्वजनिक बिदा दिएको छ।
थप तस्बिरहरू:
भर्खरै
लोकप्रिय
