रविको थुनछेक बहस सकिएन, अदालतमा समर्थकको नाराबाजी (तस्बिरहरु)

काठमाडौँ – थुनछेक बहस नसकिएपछि सहकारी ठगी प्रकरणमा प्रतिवादी बनाइएका राष्ट्रिय स्वतन्त्र पार्टीका सभापति रवि लामिछानेको न्यायिक हिरासत बसाइ लम्बिएको छ।

आइतबार अदालतमा बयानका लागि उपस्थित भएका लामिछानेलाई न्यायाधीश माधवप्रसाद अधिकारीको इजलासले आजसम्मका लागि न्यायिक हिरासतमा पठाउन आदेश दिएका थिए।

तर, सरकारी वकिल र पीडित पक्षका वकिलले मात्रै बहस गरेको र प्रतिवादीहरुको तर्फबाट बहस गर्न नभ्याइएपछि लामिछानेलाई न्यायिक हिरासतमा राख्ने आदेशले निरन्तरता पाएको हो।

लामिछाने अदालतबाट बाहिर निस्किँदै गर्दा रास्वपाका कार्यकर्ताले उनको पक्षमा नाराबाजीसमेत गरेका थिए।