टुँडिखेलमा सोनाम ल्होसारको रौनक (तस्बिरहरु)

काठमाडौँ – तामाङ समुदायले विभिन्न कार्यक्रमको आयोजना गरी आज सोनाम ल्होसार पर्व मनाउँदै छन्। काठमाडौँ उपत्यकासहित तामाङ समुदायको ठूलो बस्ती रहेका स्थानहरुमा हर्षोल्लासका साथ सोनाम ल्होसार मनाइँदै छ।

ल्होसारको अवसरमा काठमाडौँको टुँडिखेलमा पनि विशेष कार्यक्रमको आयोजना गरिएको छ। टुँडिखेलमा तामाङ समुदायले ल्होछार पर्वको अवसरमा आफ्ना साँस्कृतिक, धार्मिक नाचगान एवं झाँकीसमेत प्रदर्शन गरेका छन्।

आजको दिन तामाङहरुको बसोवास रहेका स्थानमा मेला, महोत्सव लाग्ने गर्छ। आजको दिनलाई तामाङ समुदायले नयाँ वर्षको रुपमा मनाउने गर्छन्।