सिमकोट- यती एयरलाइन्सको सुर्खेत विमानस्थलमा परीक्षण उडानको प्रतिबेदनका आधारमा नियमित उडान गर्ने भएको छ ।
उडान भएको यती एयरलाइन्सले कर्णालीमा सेवा विस्तारका लागि काठमाडौं-सुर्खेत उडान गर्न शनिबार परीक्षण उडान गरेको हो ।
एयरलाइन्सका अनुसार उडान परीक्षणका लागि ७२ सिटे एन नाइन एएमएन कलसाइन भएको जहाजले नेपालगञ्ज-सुर्खेत र सुर्खेत-नेपालगन्ज उडान उडान भरेको थियो ।
परीक्षण उडानका लागि शनिबार बिहान १२ः१७ बजेको समयमा यतीको विमान सुर्खेत विमानस्थलमा अवतरण गरेको यती एयरलाइन्सका प्रवक्ता सुर्दशन बर्तौलाले जानकारी दिए ।
उनले परीक्षण उडानमा नेपाल नागरिक उडड्यान प्राधिकरणका प्राविधिक सहितको टोली र यती एयरलाइन्सको प्राविधि टोली रहेको थियो । इन्ट्रक्टर पाइलट क्याप्टेन समर्थ रत्न तुलाधर र क्याप्टेन राजु राजवंसी उडान गरेका थिए ।
सफलतापूर्वक उडान परीक्षण सम्पन्न भएको उनले बताए । यस्तै प्रवक्ता बर्तौलाले दुई-तीन दिनमा परीक्षण उडानको प्रतिबेदन आएपछि त्यसका आधारमा उडान थाल्ने एयरलाइन्सको तयारी रहेको बताए । उनका अनुसार सुर्खेत विमानस्थललाई वैकिल्पिक विमान स्थलका रुपमा प्रयोग गर्ने र निकट भविष्यमा नियमित उडान गर्ने उदेश्यले परीक्षण उडान गरिएको हो । प्रवक्ता बर्तौलाले सुर्खेत विमानस्थलमा राती उडान नहुने बताए ।
विमानस्थल पनि सानो भएको र अन्य एयरलाइन्सले उडान गरिरहेकाले त्यो समय नजुध्ने गरी समय मिलाएर उडान भर्ने योजना यतीको रहेको । एक दिनमा एउटा वा दुईवटा उडान गर्नसकिन्छ त्यसको अध्ययन भई रहेको छ ।
काठमाडौं सुर्खेत बुद्ध र श्रीएयरलाईन्सले यसअघि उडान भर्दै आएका छन् । दुई वर्ष अगाडीसम्म काठमाडौं सुर्खेत उठ.डान नहुँदा सुर्खेतबाट काठमाडौं जाने र काठमाडौंबाट सुर्खेत आउने यात्रुहरु नेपालगंजबाट जानु पर्ने अवस्था थियो ।
भर्खरै
लोकप्रिय
