कैलालीमा स्कारपियो दुर्घटना हुँदा चालकको मृत्यु

धनगढी- कैलालीको गोदावरीमा स्कारपियो दुर्घटना हुँदा चालकको मृत्यु भएको छ ।

गोदावरी- ३ चौकिडाँडामा स्कारपियो दुर्घटना भएको प्रहरीले जनाएको छ ।

शनिबार राति अत्तरियाबाट गुलरियातर्फ गइरहेको स्कारपियो आफै अनियन्त्रित भएर दुर्घटना हुँदा चालक कञ्चनपुरको कृष्णपुर नगरपालिका- ४ का सुदिप रानाको मृत्यु भएको हो ।

बा१७ च ९६४५ नम्बरको उक्त स्कारपियो दुर्घटना हुँदा गम्भीर घाइते भएका रानाको सेती प्रादेशिक अस्पतालमा उपचारका क्रममा शनिबार राती नै मृत्यु भएको इलाका प्रहरी कार्यालय मालाखेतीका डिएसपी गंगाबहादुर थापाले बताए ।

स्कारपियो आफै अनियन्त्रित भएर राजमार्ग किनारमा रहेको एक घरमा ठोक्किएको प्रहरीले जनाएको छ ।