मोरङ – विराटनगरका विवादास्पद छविका अभिषेक गिरीका अपराध सहयोगी राजु श्रेष्ठलाई मोरङ प्रहरीले पक्राउ गरेको छ।
आइतबार विराटनगरको एक क्यासिनोमा भएको घटनामा प्रहरी अनुसन्धानलाई सहयोग नजाएको उल्लेख गर्दै प्रहरीले ३८ वर्षीय श्रेष्ठलाई पक्राउ गरेको हो। श्रेष्ठ सम्राट क्यासिनोमा कार्यरत छन्।
सो क्यासिनोको सञ्चालकका रुपमा रहेका गिरीसंग एमाले मोरङ जिल्ला सदस्य किरण लामा र कांग्रेसका रोनाल कँडेलबीच क्यासिनामा राति कुटाकुट भएको थियो। घटनाबारे क्यासिनोमा रहेको सिसिटिभी फुटेज माग्दा श्रेष्ठले उपलब्ध नगराएको प्रहरीले जनाएको छ।
जिल्ला प्रहरी कार्यालय मोरङका प्रवक्ता तथा प्रहरी नायब उपरिक्षक बेदप्रकास जोशीका अनुसार बुधबार राती पक्राउ परेका श्रेष्ठविरुद्ध अभद्र ब्यवहार मुद्धामा म्याद थप गरि अनुसन्धान सुरु भएको छ। प्रहरी नायब उपरिक्षक जोशीका अनुसार गिरी र श्रेष्ठ एउटै मुद्दामा कैद भुक्तान गरी छुटेका व्यक्तिहरु हुन्।
गिरीले २०७१ सालमा काठमाडौंमा व्यक्तिको अपहरण गर्दा श्रेष्ठ सहयोगी थिए। क्यासिनोका सञ्चालक गिरीको समूहले आइतबार राती भएको घटनालगत्तै मध्यरातमा लामा र कँडेलको घरमा जबरजस्ती प्रवेश गरी धम्की दिएको भन्दै उजुरी परेको थियो। प्रहरीका अनुसार आइतबार रातिको झगडापछि राति लामा र कँडेल भागेका थिए। हाल प्रहरीले दुवै पक्षको खोजी गरिरहेको छ।
भर्खरै
लोकप्रिय
