सेती नदीमा बगेर एक बालक बेपत्ता

धनगढी – डोटीमा सेती नदीमा बगेर एक बालक बेपत्ता भएका छन्।

जिल्ला प्रहरी कार्यालय डोटीले दिएको जानकारीअनुसार मंगलबार दिउँसो दिपायल सिलगढी नगरपालिका वडा नं. १ श्रीखोलीशैन बस्ने रमेश विक १० वर्षका छोरा अमित बगेर बेपत्ता भएका हुन्।

सोही ठाउँस्थित झोलुङ्गे पुलनजिक सेती नदीमा नुहाउने क्रममा बगेर बेपत्ता भएको जनाइएको छ।

घटनाबारे थाहा पाउनेबित्तिकै प्रहरी नायब निरीक्षक कृष्णसिंह ऐरीको कमाण्डमा ७ जनाको टोली खटिएर बेपत्ता बालकको खोजतलास भइरहेको प्रहरीले जनाएको छ।