धनगढी – जागरण अभियानका क्रममा अछाम पुगेका नेकपा माओवादी केन्द्रका अध्यक्ष पुष्पकमल दाहाल प्रचण्डले सहकार्यका लागि भीम रावललाई आग्रह गरेका छन् । जनतासँग माओवादी मध्यपहाडी लोकमार्ग पुष्पलाल मार्ग जागरण अभियानअन्तर्गत शनिवार अछामको साँफेबगरमा आयोजित सभालाई सम्बोधन गर्दै अध्यक्ष प्रचण्डले माओवादीसँग सहकार्य गर्न भिम रावललाई आग्रह गरेका हुन् ।
सभामा प्रचण्डले भने ( कार्यक्रममा आउँदै गर्दा बाटोमै भीम रावलको सम्पर्क कार्यालय देखेँ, उहाँसग हिजो मात्र फोनमा कुरा भएको थियो। मैले तपाई किन अरु ठाउँ भौतारिरहनु भएको छ। आउनुस् समय खेर नफाल्नुस हामी बसेर कुरा गरौं, सहकार्य गरौं भने।
एमालेबाट कार्वाही पछि भीम रावल देश ब्यापी मातृभुमी जागरण अभियान संचालन गरिरहेका छन्।अध्यक्ष प्रचण्डले माओवादी बलियो भयो भने समग्र राष्ट्र नै बलियो हुने बताउँदै २०८४ मा माओवादी केन्द्रलाई पहिलो पार्टी बनाउन आग्रह गरे। शुक्रबार बैतडीबाट सुरु गरेको अभियान बैतडी, डडेल्धुरा हुँदै शनिवार अछाम पुगेको हो ।
भर्खरै
लोकप्रिय
