दाङ- बुटवलको कालिकानगर होराइजन चोकस्थित मिलिजुली पथमा एक महिला र दुई बालिकाको हत्या गरेकाे अभियाेगमा एक युवक पक्राउ परेका छन्।
बुटवलको कालिकानगरमा घर भएका ३५ वर्षीय सुजन कोइरालाले आफ्नी पूर्व पत्नी दिपा बस्याल र उनका दुई छोरीहरूको बिभत्स हत्या गरेको इलाका प्रहरी कार्यालय बुटवलका प्रमुख प्रहरी नायव उपरीक्षक इन्द्रबहादुर रानाले बताए।
मृतक दिपा सुजनसँग सम्वन्ध बिच्छेद गरेर पाल्पाका शंकर ढकालसँग विवाह गरेकी थिइन् । मृतक दुई बालिका शंकर ढकाल र दिपा बस्यालका हुन् । मृतक बालिकाहरू ७ वर्षीय स्नेहा ढकाल र ४ वर्षीय हिमान ढकाल रहेका प्रहरीले जनाएको छ ।
प्रहरीले हत्यामा संलग्न सुजन कोइरालालाई नियन्त्रणमा लिएर अनुसन्धान सुरु गरेको जनाएको छ ।
सम्वन्ध बिच्छेद भइ अर्कैसँग विवाह गरी गएकी पूर्व श्रीमतीलाई घरमा बोलाएका थिए । बिहान पख चक्कु र घनले हानेर हत्या देखिएको प्रहरी नायव उपरीक्षक रानाले बताए । घटनाबारे प्रहरीले अनुसन्धान अघि बढाएकाे छ ।
भर्खरै
लोकप्रिय
