अ
+
अ
अ
-
काठमाडौं- प्रतिनिधिसभामा प्रष्टीकरण दिन नपाएपछि गृहमन्त्री रमेश लेखकले पत्रकार सम्मेलन गरेर भिजिट भिसा प्रकरणमा आफू निर्दोष रहेको बताएका छन्।
उनले भिजिट भिसा प्रकरणमा आफूमाथि जोडेर भइरहेका प्रचार असत्य भएको बताएका छन्। उनले आफूमाथिको आक्रमण राजनीतिक पूर्वाग्रहले प्रेरित भएको पनि बताएका छन्। उनले आफूबिरुद्ध कुनै उजुरी नभएकाले यसमा आफूलाई अन्याय भएको पनि बताए।
उनले पत्रकार सम्मेलनमा भने, ‘यो असत्य र बेठिक कुरा हो । यसमा मेरो कुनै संलग्नता छैन । मेरा विरुद्धमा नियोजित र षड्यन्त्रमूलक ढङ्गले आक्रमण गरिएको छ । यो आक्रमण राजनीतिक पूर्वाग्रहले प्रेरित छ ।’ तीर्थराज भट्टराईबारे आफूसँग जोडिएका कुरा पनि असत्य रहेको उनले बताए।
अख्तियारले कारबाही गरेका हजारौँ घटनाहरू गृहमन्त्रालयसँग जोडिएका पनि उनले बताए।
‘पार्टीमा एकजना कार्यकर्तामाथि छलफल भयो भने पार्टीका सभापतिले राजीनामा गर्ने?’ उनले प्रश्न गरे।
आफूलाई न्याय पाउने हक रहेको पनि उनले बताए।
भर्खरै
लोकप्रिय
