काठमाडौँ– यातायात व्यवसायीले गण्डकी प्रदेश सरकारले ल्याएको राइड सेयरिङसम्बन्धी नियमावलीको विरोध गर्दै सोमबार देशभर सार्वजनिक यातायत बन्द गरेका छन्।
बन्दले गर्दा देशभर सार्वजनिक यातायात चढ्ने यात्रु मारमा परेका छन्। काठमाडौँ उपत्यकामा पनि बिहान सार्वजनिक यातायात नचल्दा यात्रुले हैरानी बेहोरेका थिए।
केही समयअघिदेखि भने नेपाल प्रहरीले रुट नम्बर १ र २ मा नि:शुल्क बस सेवा सुरु गरेर अलपत्र परेका यात्रुलाई गन्तव्यमा पुर्याइरहेको छ। छिटफुट रुपमा साझा यातायातको बस पनि सडकमा देखिएको छ।
यद्यपि सबै बस नचलाइएको साझा यातायात प्रालिका प्रतिनिधिले देशसञ्चारसँग बताएका थिए।
प्रहरीले चलाएका बस र साझा यातायतका बस सडमा देखिए पनि ती यात्रुका लागि प्रयाप्त हुन सकेको छैन। सार्वजनिक बस नपाइएको अवस्थामा राइड सेयरिङ सेवाले भने यात्रुसँग बढी भाडा उठाइरहेका छन्।
काठमाडौँ उपत्यकामा सार्वजनिक सवारी साधन नचलेपछि सडकमा सवारी चाप कम देखिन्छ। तर निजी सवारी सधानको चापले सडक खाली देखिदैन।
काठमाडौँमा उपत्यकाका विभिन्न ठाउँको अवस्था हामीले कैद गरेका छौँ।
हेर्नुहोस् तस्बिहरू:
भर्खरै
लोकप्रिय
