काठमाडौँ- नेपाली सेना र भारतीय सेनाको संयुक्त कञ्चनजङ्घा हिमाल आरोहण अभियान टोलीले गत जेठ ५ र ६ गते कञ्चनजङ्घा हिमालको सफलता आरोहण गरेका थिए।
नेपाल-भारत संयुक्त कञ्चनजङ्गा हिमाल आरोहण २०२५ को फ्ल्याग इन सेरेमोनी सोमबार सैनिक मुख्यालयमा सम्पन्न भयो।
दुईवटा समूहमा भएको उक्त आरोहणमा नेपाली सेनाका सेनानी गजेन्द्र देउवाको नेतृत्वमा १० र भारतीय सेनाका कर्नल सर्फराज सिंहको नेतृत्वमा ५ गरी जम्मा १५ जना सहभागी भएका थिए।
कञ्चनजङ्घा हिमाल आरोहण अभियानको गत चैत २१ गते भारतको नयाँ दिल्ली स्थित रक्षा मन्त्रालय अन्तर्गतको साउथ ब्लकस्थित इन्टिग्रेटेड हेडक्वार्टरमा फ्ल्याग अफ सेरेमोनी भएको थियो।
कार्यक्रममा रक्षामन्त्री मानवीर राईले संयुक्त रूपमा आरोहण अभियानले दुई देशबीचको सम्बन्ध कायम रहने बताएका थिए।
भारतीय राजदूत नवीन श्रीवास्तवले यस्ता कार्यक्रमले नेपाल र भारतका सैनिकबीचको सम्बन्ध मजबुत गर्न मद्दत गर्ने बताएका थिए।
भर्खरै
लोकप्रिय
