सिफलमा राजसंस्था पक्षधरको प्रदर्शन (तस्बिरहरू)

काठमाडौँ – राजसंस्था पक्षधरहरूले मंगलबार काठमाडौँको सिफल चौरमा प्रदर्शन गरेका छन्।

राजसंस्था र हिन्दुराष्ट्र पुनःस्थापनाको मागसहित उनीहरूले आज सिफलमा प्रदर्शन गरेका हुन्। राजसंस्था पक्षधरहरूले जेठ १५ गतेदेखि आन्दोलन गरिरहेका छन्।

सोमबार भने उनीहरूले विरोध प्रदर्शनको कुनै कार्यक्रम राखेका थिएनन्। सोमबार साँझ कमलादीस्थित गणेश मन्दिरमा दिवंगत राजा वीरेन्द्रसहित राजसंस्थाका सदस्यहरूको सम्झनामा दीप प्रज्वलन गरिएको थियो।

दीप प्रज्वलन कार्यक्रममा पूर्वयुवराज्ञी हिमानी शाह, पूर्वनवयुवराज हृदयेन्द्रलगायत राजपरिवारका अन्य सदस्य र राजसंस्था पक्षधर नेताहरू सहभागी भएका थिए।

आजको विरोध प्रदर्शनमा भने सहभागीको संख्या न्यून देखिएको छ।