अ
+
अ
अ
-
दाङ – लुम्बिनी प्रदेशबाट १५ औँ राष्ट्रपति रनिङ शिल्ड प्रतियोगिताका लागि खेलाडी र प्रशिक्षक गरी ११३ जनाले सहभागिता जनाउने भएका छन्। प्रतियोगितामा सहभागी हुने खेलाडी र प्रशिक्षकहरूलाई लुम्बिनी प्रदेश सरकारले बिदाइ गरेको छ।
लुम्बिनी प्रदेश सरकारको तर्फबाट भौतिक पूर्वाधार विकासमन्त्री भूमिश्वर ढकालले सोमबार देउखुरीमा आयोजित एक कार्यक्रमका बीच प्रतियोगितामा भाग लिने टोलीलाई बिदाइ गरेका हुन्।
भलिबल, उसु, कराँते, तेक्वान्दो, कबड्डी र एथ्लेटिक्स गरी ६ विधामा प्रतिस्पर्धा गर्ने ९८ जना खेलाडी र १३ जना प्रशिक्षकलाई बिदाइ गरिएको हो।
यसअघि लुम्बिनीले ११ औँ, १२ औँ र १३ औँ राष्ट्रपति रनिङ शिल्डको उपाधि जितेको थियो। १४ औँ संस्करणको उपाधि भने सुदूरपश्चिम प्रदेशले जितेको थियो। १५ औँ राष्ट्रपति रनिङ शिल्ड प्रतियोगिता काठमाडौँमा यही जेठ २८ गतेदेखि सुरु हुँदै छ।
भर्खरै
लोकप्रिय
