काठमाडौँ – राष्ट्रिय स्वतन्त्र पार्टी (रास्वपा)को अवरोधका बीच प्रतिनिधिसभाको बैठक जारी छ। रास्वपाका सांसदहरू वेलअगाडि बसेर नाराबाजी गरिरहँदा सभामुख देवराज घिमिरेले संसद् बैठक जारी राखेका हुन्।
आजको प्रतिनिधि सभा बैठकमा पनि रास्वपा र राप्रपाका सांसदहरुले अवरोध कायमै राखे। सभामुख घिमिरेले कार्यसूची अगाडि बढाउन खोजेपछि रास्वपा र राप्रपाका सांसदहरुले उठेर विरोध जनाएका थिए।
भिजिट भिसा प्रकरणमा नाम जोडिएको भन्दै गृहमन्त्री रमेश लेखकको राजीनामा र उच्चस्तरीय छानबिन समितिको माग गर्दै रास्वपा र राप्रपाका सांसदहरुले लगातार संसद अवरोध गर्दै आएका छन्।
विपक्षीको आवाज नसुनिएको भन्दै राप्रपा सांसदहरू भने बैठक बहिष्कार गरेर बाहिरिएका छन्। रास्वपाका सांसदहरू भने अहिले पनि वेलअगाडि बसेर विरोध जनाइरहेका छन्।
संसद्मा आगामी आर्थिक वर्षको बजेटमाथि छलफल भइरहेको छ।
भर्खरै
लोकप्रिय
