काठमाडौँ– विरोधै-विरोध हुँदा संसद् बैठक स्थगित भएको छ। राष्ट्रिय स्वतन्त्र पार्टी र राष्ट्रिय प्रजातन्त्र पार्टीले गृहमन्त्री र रमेश लेखकको राजीनामा र उच्चस्तरीय छानबिनको माग गर्दै विरोध गरिरहेको छ।
मंगलबार १ बजे बस्ने भनिएको बैठक संसद् खुलाउने विषयमा सभामुख देवराज घिमिरे र गृहमन्त्री रमेश लेखकबीच छलफल चल्दा ढिला सवा दुई बजेपछि मात्र सुरु भयो।
तर बैठक ५ मिनेट सञ्चालन नभएर स्थगित भयो। रास्वपा र राप्रपाले विरोध गरेकैक्रममा कांग्रेसले रास्वपाका सांसदले लगाएको पहिरनमा प्रश्न उठाएपछि बैठक स्थगित हुन पुग्यो।
कांग्रेसका प्रमुख सचेतक श्याम घिमिरेले रास्वपाका सांसदले लगाएको निलो रिबनमाथि संसदीय मर्यादा अन्तरगत पर्छ वा पर्दैन भन्दै सभामुखलाई सचेत गराएका थिए।
त्यसपछि ३० मिनेटका लागि बैठक स्थगित भयो।
यसअघि संसद्मा आज पनि रास्वपा र राप्रपाका सांसदले विरोध गरे पनि सभामुखले संसद् सञ्चालन गरेका थिए। विरोध गर्दै रास्वपाका सांसदले कुर्ची भाँच्न आउँदै जस्ता नारा लगाएका थिए।
तस्बिर: बर्षा शाह
भर्खरै
लोकप्रिय
