दाङ- लुम्बिनी प्रदेश सभाको छैठौं अधिवेसनको १६ औं बैठक आज बस्दै छ। बैठकमा बजेटको विभिन्न शीर्षकहरूमाथि समूहकृत छलफल र जवाफ दिने समय निर्धारण गरिएको छ ।
बुधबार दिउँसो १२ बजे बस्ने बैठकमा ‘आर्थिक वर्ष २०८२/०८३ को सेवा र कार्यको लागि प्रदेश सञ्चित कोषबाट केही रकम विनियोजन र खर्च गर्ने सम्बन्धमा व्यवस्था गर्न बनेको विधेयक’ को विभिन्न मन्त्रालय एवम् सोसँग सम्बन्धित निकायका शीर्षकहरूमाथि समूहिकृत छलफल हुने र छलफलका क्रममा उठेका प्रश्नाहरूको जवाफ मुख्यमन्त्री चेतनारायण आचार्य र आर्थिक मामिला तथा योजना मन्त्री धनेन्द्र कार्कीले दिने कार्यसूचीमा समावेश गरिएको प्रदेश सभा सचिव दुर्लभकुमार पुनमगरले जानकारी दिए ।
मंगलबार राति साढे ८ बजे बसेको प्रदेश सभाको १५ औं बैठकले ‘आर्थिक वर्ष २०८२/०८३ को सेवा र कार्यको लागि प्रदेश सञ्चित कोषबाट केही रकम विनियोजन र खर्च गर्ने सम्बन्धमा व्यवस्था गर्न बनेको विधेयक’माथीको सैद्धान्तिक छलफल गरियोस भन्ने प्रस्ताव सर्वसम्मतीले स्वीकृत गरेको थियो ।
साथै सैद्धान्तिक छलफलमा भाग लिने प्रदेश सभा सदस्यहरुको नामावली प्राप्त नभएको भन्दै सभामुखले सैद्धान्तिक छलफल टुंगिएको सभामा जानकारी गराएका थिए ।
१४ औं बैठक प्रमुख प्रतिपक्षदल नेकपा माओवादी केन्द्र, राप्रपा, राष्ट्रिय जनमोर्चा र एकिकृत समाजवादीले बहिष्कार गरेका थिए । तर, लोसपा र जसपा नेपाल प्रतिपक्ष बेन्चमा बसेपछी सदन अघि बढेको थियो ।
जुन बैठकमा बजेटमाथीको सैद्धान्तिक छलफल सकिएको थियो । बजेटमाथि असन्तुष्टि जनाउँदै प्रमुख प्रतिपक्षी दल माओवादी केन्द्रले विरोध जनाउँदै सच्याउन माग राखेको छ ।
भर्खरै
लोकप्रिय
