नेपालगन्ज – ९ जेठ २४ देखि २६ गतेसम्म नेपालगन्जमा सञ्चालन भएको वेष्टर्न ट्राभल मार्टमा २६ लाख बढी खर्च भएको विवरण सार्वजनिक गरिएको छ।
नेपाल पर्यटन बोर्ड र नेपालगन्ज उपमहानगरपालिकाको सहयोगमा नाट्टा बाँके च्याप्टरले मार्ट आयोजना गरेको थियो।
पर्यटनको विकासका लागि आयोजित कार्यक्रममा २६ लाख ५४ हजार २ सय ६० रुपैयाँ खर्च भएको नाट्टा बाँके च्याप्टरका अध्यक्ष एवं वेष्टर्न ट्राभल मार्ट नेपालका संयोजक श्रीराम सिग्देलले जानकारी दिए।
मार्ट आयोजना गर्न पर्यटन बोर्डले २६ लाख र नेपालगन्ज उपमहानगरपालिकाले ५ लाख दिएका थिए। त्यसमा ४ लाख ४५ हजार ७ सय ७० रुपैयाँ बचेको छ।
मार्टमा नेपाल र भारतमा २ सय ७ जना पर्यटन व्यवसायी सहभागी भएका थिए। उनीहरुलाई पश्चिम नेपालका पर्यटकीय गन्तब्यहरुकोबारेमा भिडियो, बुकलेटमार्फत जानकारी गराइएको थियो। त्यसमध्येका ६८ जनालाई बाँके र बर्दिया राष्ट्रिय निकुन्जमा सफारी, कर्णाली नदीमा र्याफटिङ गराइएको थियो।
रैथाने खाना महोत्सवमा ४ लाख खर्च
वेष्टर्न ट्राभल मार्टसँगै नेपालगन्जको त्रिभुवनचोकमा आयोजना गरिएको रैथाने खाना महोत्सवमा ४ लाख खर्च भएको छ। सो कार्यक्रमका लागि पर्यटन विकास परिषद लुम्बिनीले ३ लाख र नेपालगन्ज उपमहानगरपालिकाले १ लाख सहयोग गरेका थिए।
रैथाने खाना महोत्सवमा ३६ जना व्यवसायीले स्टल राखेका थिए। आयोजकका अनसार, पहिलो दिन २ हजार र दोस्रो दिन ५ हजार मानिस रैथाने खाना महोत्सवमा सहभागी भएका थिए।
भर्खरै
लोकप्रिय
