जनकपुरधाम– आगामी आर्थिक वर्ष २०८२/८३ का लागि ल्याएको बजेटमाथि भोलि आइतबारदेखि मधेस प्रदेशसभामा छलफल हुने भएको छ।
आइतबार दिउँसो १ बजेका लागि बजेटमाथि छलफलका लागि बैठक बोलाइएको प्रदेशसभा सचिवालयले जनाएको छ।
प्रदेश सरकारका अर्थमन्त्री सुनिलकुमार यादवले असार १ गते बजेट प्रस्तुत गरेपछि असार ११ गते बसेको बैठक आधा घण्टा सञ्चालन नभएर स्थगित भएको थियो।
सरकारको आग्रहमा सभामुख रामचन्द्र मण्डलले बैठक अनिश्चितकालका लागि स्थगित गरेपछि विपक्षी दलका सांसदहरुले आपत्ति जनाएका थिए।
असार १२ गते बोलाइएको बैठक १ घण्टा अगाबै बस्नुअघि अनिश्चितकालका लागि स्थगित गरेपछि विपक्षी दलहरुले त्यसपछि बस्ने प्रदेशसभाको बैठक बहिष्कार गर्ने निर्णय गरेका थिए।
प्रमुख प्रतिपक्षी जनता समाजवादी पार्टी नेपाल, नेकपा माओवादी केन्द्र, नेकपा एकीकृत समाजवादी पार्टी लगायतका दलले आगामी बैठक बहिष्कार गर्ने चेतावनी दिएका थिए।
उनीहरुले सभामुखले विपक्षीलाई जानकारी नै नगराई बैठक स्थगित गरेको भन्दै आपत्ति जनाएका थिए।
भर्खरै
लोकप्रिय
