जनकपुरधाम- प्रतिपक्षी दलका सांसदहरुले मधेस प्रदेशसभा बैठक बहिष्कार गरेका छन् । सोमबार ८ बजे बोलाइएको बैठक करिब १० बजे सुरु हुनसाथ प्रतिपक्षी दलका सांसदहरूले बैठक बहिष्कार गरेका हुन् ।
यद्यपि सभामुख रामचन्द्र मण्डलले बैठकलाई सञ्चालन गरेका छन् । जनता समाजवादी पार्टी, नेपालका संसदीय दलका नेता सरोजकुमार यादवले विगतको बजेटमा पनि धेरै किसिमको गडबडी भएको र तत्कालीन अर्थमन्त्री र मुख्यमन्त्रीले बजेट ह्याक भएको भनेको बताउँदै उनले भने, ‘यो वर्ष पनि त्यो वर्षभन्दा पनि बढी आलोचना भएको हो । बजेटमा विचौलिया हाबी भएको भनेर विभिन्न दलका नेता र सांसदहरूले भनिसकेका छन्।’
यादवले बजेट छानविनको माग गर्दै बैठक अवरुद्ध गरेपछि कार्यदल गठन भएको अनि कार्यदलले सदनलाई छलेर बजेट आएको पाएको बताए ।
‘हामीले ४६१ पेजको रेडबुक पाएका छौँ तर ७५५ पेजको रेडबुक रहेछ । सदनलाई छलेर बजेट पास गराउने ? कुनै कुनै साथीले भन्छ सधै यस्तो हुन्छ । ७ वर्ष भैसकेको छ तर यसतो भएको छैन् म नै पाच वर्ष सभामुख थिए । यो आर्थिक अपराध हो । २९४ पेज भन्नाले करिब ८ हजार योजना ३ अर्बभन्दा बढीको छ । कुपोषणबला योजना रहेको त्यो पनि ठूलै अपराध हो’, उनले भने ।
यादवले यो योजनाबद्ध भ्रष्टाचार गर्न ल्याइएको बताउँदै भने, ‘जुन चोरी गरेर ल्याइएको योजना छ त्यसलाई समावेश नगर्ने । बहुमत छ भने जसरी पास गर्नुहुन्छ भने हामी त्यसमा सहयोग गर्दैनौँ ।’
यादवले अर्थमन्त्रीले गडबडी गरेकाले यो बजेट सँच्याउनुभन्दा पहिले राजीनामा दिनुपर्ने र सभामुख मण्डलले प्रतिपक्षी दलको उपस्थिति बिना बैठक सञ्चालन गरिरहेकाले उनको पनि राजीनामा माग गरेका छन् ।
बहिष्कार गर्ने दलमा जसपा नेपाल, माओवादी केन्द्र, नेकपा एस, राप्रपा, नागरिक उन्मुक्ति पार्टी र संघीय समाजवादी पार्टी नेपाल रहेका छन् ।
भर्खरै
लोकप्रिय
