जनकपुरधाम– धनुषाको जनकनन्दनी गाउँपालिका १का अजय कुमार गाेइतलाई पेस्तोल देखाएर लुटपाट गरेको आरोपमा एक जना भारतीय नागरिक पक्राउ परेका छन्।
पक्राउ पर्नेमा भारतको बिहार राज्य जिल्ला मधुवनी ग्रामपञ्चायत उस्राही थाना देवधा ८, पिठुवा टोल बस्ने २३ वर्षीय विजय मुखिया रहेका छन्।
उनले गोइतलाई असार २० गते पेस्तोले देखाएर नगद दुई लाख १६ हजार, १२ लाख १० हजार बराबरको चेक र आइफोन – १६ प्रो. लुटपाट गरेको प्रहरीले जनाएको छ।
गोइत बैंकमा पैसा जम्मा गर्न जाने बेला बाटो छेकेर मुखियाले लुटपाट गरेका थिए। मुखियालाई प्रहरीले सोमबार साँझ धनुषाको सबैला नगरपालिका ९ ठिल्लाबाट पक्राउ गरेको थियो।
धनुषाका प्रहरी प्रमुख प्रहरी उपरीक्षक नरहरि रेग्मीले मुखिया पेशेवर लुटेरा रहेको बताए। उनकाअनुसार भारतमा पनि मुखियामाथि ९/१० वटा मुद्दा रहेको छ।
प्रहरी उपरीक्षक रेग्मीले लुटेराहरु भारतमा लुटपाट गरेर नेपालमा लुक्ने गरेको र नेपालमा गरेर भारत लुक्ने गरेको बताए।
भर्खरै
लोकप्रिय
