हुम्ला- मुगुको माथिल्लो क्षेत्रबाट २६ किलो दुई सय ग्राम यार्सागुम्बा निकासी भएको छ । डिभिजन वन कार्यालय मुगुका अनुसार असार मसान्तसम्ममा उक्त परिमाणको यार्सागुम्बा संकलन तथा निकासी भएको हो ।
उक्त परिमाणको यार्सागुम्बा निकासीबाट आठ लाख १२ हजार दुई सय ६८ रुपियाँ राजस्व संकलन भएको छ ।
जिल्लाबाट यार्सा निकासीका लागि प्रतिकिलो ३१ हजार दस्तुर लिने गरिएको छ । जिल्लाको माथिल्लो मुगु कार्मारोङ गाउँपालिकाको सानोकोइकी, ठुलोकोइकी, रिमार, टाँके, हाङदाङ खोला लगायत सात स्थानबाट यार्सा संकलन हुने गरेको छ ।
स्थानीय यार्सागुम्बा व्यापारी कार्माटोर्ची लामाका अनुसार यहाँका धेरै पाटनमा यार्सागुम्बा पाउने भए पनि मुगुगाउँको वन क्षेत्रमा पर्ने ठुलोकोइकी पाटनबाट संकलन गरिन्छ ।
मुगु मकार्मारोङ गाउँ पालिकाका अध्यक्ष छिरिङ क्याप्ने लामाका अनुसार जेठ १५ गतेदेखि यार्चागुम्बा सङ्कलनका लागि करिब पाच हजार जनाले यार्सागुम्बा संकलनको अनुमति लिएको कार्यालयको तथ्यांकमा उल्लेख छ ।
अनुमतिपत्र बिना बहुमूल्य जडीबुटी संकलन गर्न पाइँदैन । जसले गर्दा अनुमति लिएपछि मात्रै पाटनतर्फ जान दिइने गरिएको लामाले बताए ।
मुगुमकार्मारोङ गाउँ पालिकाको व्यवस्थापन समितिले यार्सागुम्बा संकलनका लागि अनुमति दिएपछि मात्रै पाटन जान पाउने प्राब्धान छ । सोहीअनुरुप यार्सागुम्बा संकलनका निम्ति सिरानी चौडमा स्थानीयका साथै बाहिरी जिल्लाबाट आएका व्यक्तिलाई संकलन अनुमति दिइन्छ ।
जिल्लाको माथिल्लो मुगुमा यार्सागुम्बा संकलनका लागि जेठ १५ देखि असार मसान्तसम्म यार्सागुम्बा संकलन गरिन्छ ।
भर्खरै
लोकप्रिय
