मोरङ – एरियल नेपाल प्रालिले जापानमा निर्माण हुँदै आएको डाइकन एसीको आधिकारिक विक्रेताको जिम्मेवारी पाएको छ। एरियल नेपालको विराटनगरमा रहेको अरुण इलेक्ट्रोनिक्सले यसको आधिकारिक बिक्री वितरण सुरु गरेको हो।
एरियल नेपालका सञ्चालक प्रनव तोदीका अनुसार जापानमा निर्माण हुने विश्वकै पुरानो एसी कम्पनीको बिक्री वितरण यसअघि अनधिकृत रुपमा हुँदै आएको थियो। यद्यपि, हाल एरियल नेपालले यसको बिक्री वितरणका लागि आधिकारिक जिम्मेवारी पाएको उनले बताए।
आधिकारिक बिक्री वितरणको जिम्मेवारी पाएसंगै एरियल नेपालले मुलुकका विभिन्न स्थानमा डिलरसीप राख्न चाहनेहरूलाई समेत आह्वान गरेको छ।
सय वर्ष पुरानो जापानिज कम्पनीले निमार्ण गरेको यस एसीमा नियो स्विङ कम्प्रेसर जडान भएको तोदीले जानकारी दिए। जसले विद्युत खपत समेत कम गराउने उनले बताए।
सञ्चालक तोदीका अनुसार अन्य एसीले २ हजार युनिट खपत गर्ने गरेको भए पनि डाइकनले ७ सय युनिटभन्दा बढी विद्युत् खपत नगर्ने दाबी गरे। हेप्टा सेन्सर रहेको एसीमा वाइफाइ ट्रिपल डिस्प्ले, गति पत्ता लगाउने, पानीको थोपा सफा गर्ने प्रविधि, भिआरएफ सिस्टम लगायत सुविधा रहेको छ। त्यसैगरी एरियल नेपालले अन्य विद्युतीय सामग्रीसमेत बिक्री गर्दै आएको छ। यसले एसीमा लाग्ने विभिन्न पाटर्सपूर्जादेखि फ्रिज,टिभी, वासिङमेशिन, आइरन, राइसकुकरलगायत सामान बिक्री गर्दै आएको छ।
भर्खरै
लोकप्रिय
