अ
+
अ
अ
-
नेपालगन्ज – बाँके प्रहरीले गाेली हानेर ब्राउनसुगर काराेबारी भारतीय नागरिकलाई पक्राउ गरेकाे छ।
नेपालगन्ज बसपार्कमा ब्राउनसुगरकाे काराेबार भइरहेकाे सूचना पाएपछि पुगेकाे प्रहरीमाथि जाइलागेपछि गाेली हानेर भारत बहराइचका कार्तिक कुमार र अजय कुमारलाई नियन्त्रणमा लिएकाे बाँके प्रहरीले जनाएको छ।
बाँके प्रहरी प्रवक्ता डिएसपी दिपक पातलीका अनुसार हातमा चक्कु लिएका कार्तिकले प्रहरीमाथि आक्रमण गर्न खोजेपछि प्रहरीले गाेली हानेकाे थियाे। कार्तिककाे दाहिने खुट्टाकाे पिँडुलामा एक गाेली लागेकाे छ।
उनकाे नेपालगन्ज नर्सिङहाेममा उपचार भइरहेकाे छ। अजय कुमार प्रहरी नियन्त्रणमा रहेका छन्।
प्रहरीले उनीहरुकाे साथबाट एक सय ११ ग्राम ब्राउनसुगर बरामद गरेकाे छ।
भर्खरै
लोकप्रिय
