मोरङ – जनता समाजवादी पार्टीका अध्यक्ष उपेन्द्र यादवमाथि राजनीतिक प्रतिशोध साँध्ने काम गरिएको आरोप लगाउँदै विराटनगरमा प्रदर्शन गरिएको छ।
बुधबार अपराह्न विराटनगरको संसारीमाइस्थानबाट जसपा मोरङको आयोजनामा जुलुस निकालिएको थियो।
बुद्धहाट चौकस्थित हनुमान मन्दिर परिषरमा पुगेर कोण सभामा परिणत भएको जुलुसलाई सम्बोधन गर्दै जसपा मोरङका अध्यक्ष राजकुमार यादवले सवोच्च अदालतबाट जारी भएको परमादेशप्रति ध्यानाकर्षण भएको जनाउँदै प्रदर्शन गरिएको बताए।
उनले राजनीतिक प्रतिशोध साध्ने क्रममा सरकारले जसपामाथि आक्रमण गर्ने प्रयास गरेको आरोप लगाए।
सोही क्रममा जसपाका केन्द्रीय कार्यकारिणी सदस्य सञ्जय सिंहले सरकारको सहमतिमै १९ वर्षपछि गौर हत्याकाण्डको छानविन गर्न सर्वोच्च अदालतले परमादेश जारी गरेको बताए। सरकारले जसपामाथि आक्रमणको प्रयास गरेको जनाउँदै उनले सहीसत्य न्यायका लागि निरन्तर आन्दोलनमा उत्रिने चेतावनी दिए।
गौरकाण्डको छानबिन गर्न सर्वोच्च अदालतबाट गएको सोमबार परमादेश जारी भएको छ। २०६३ साल चैत्रमा रौतहटको गौरमा तत्कालीन मधेशी जनअधिकार फोरम नेपाल र नेकपा माओवादी पार्टीका कार्यकर्ताबीच झडप भएको थियो। सो क्रममा २७ जना माओवादी पक्षका मानिसको मृत्यु भएको थियो।
भर्खरै
लोकप्रिय
