धनगढी- दार्चुलाको नौगाड गाउँपालिकामा भएको जीप दुर्घटनामा गम्भीर घाइते भएकी एक जना महिलाको मृत्यु भएको छ ।
बिहीबार बिहान नौगाड गाउँपालिका- ४ होपरीमा जीप दुर्घटना हुँदा गम्भीर घाइते भएकी नौगाड गाउँपालिका- ४ की २५ वर्षीया गर्भवती महिला पार्वती टमटाको मृत्यु भएको जिल्ला प्रहरी कार्यालय दार्चुलाका प्रहरी निरीक्षक छत्रबहादुर रावतले बताए ।
गोकुलेश्वर अस्पतालमा उपचारका क्रममा गम्भीर घाइते टमटाको ज्यान गएको उनले जानकारी दिए । अन्य घाइतेहरुकाे गोकुलेश्वरमै उपचार भइरहेको छ । नौगाडको होपरीबाट होपरीगाड तर्फ गइरहेको लाकेन्द्र सिंह ठगुन्नाले चलाएको जीप दुर्घटना हुँदा ११ जना घाइते भएका थिए ।
घाइतेमध्ये चार जना गम्भीर रहेकोमा गर्भवती महिला टमटाको मृत्यु भइसकेको र बाँकी तीन जना खतरामुक्त रहेको बुझिएकाे छ ।
घाइते अन्य ७ जनाकाेअबस्था सामान्य रहेकाे प्रहरीले जनाएकाे छ ।
भर्खरै
लोकप्रिय
