अ
+
अ
अ
-
धनगढी- दार्चुलामा अटोरिक्सा दुर्घटनामा बेपत्ता भएका दुई जनाको शव फेला परेको छ। नाैगाड गाउँपालिका- ५ शौकेबगरमा अटोरिक्सा दुर्घटना हुँदा दुई जना बेपत्ता भएका थिए ।
अटाे रिक्सा दुर्घटना भएर नौगाड खोलामा खस्दा नौगाड गाउँपालिका- ६ डाडा बस्ने १७ वर्षीया भागा धामी र उनकी १२ वर्षीया भतिजी आरुषा धामी बेपत्ता भएकाे जिल्ला प्रहरी कार्यालय दार्चुलाका प्रहरी निरीक्षक एवम् सूचना अधिकारी छत्रबहादुर रावतले जानकारी दिए। उनका अनुसार दुवै जनाकाे आज बिहान शव फेला परेकाे छ ।
होपरीगाडबाट धुलिगडातर्फ गइरहेको म १ ह ११४८ नम्बरको अटोरिक्सा दुर्घटना भएर नौगाड खोलामा खसेको हो। प्रहरी निरीक्षक रावतका अनुसार अटोरिक्सा चालक मनिराम भुललाई प्रहरीले नियन्त्रणमा लिएको छ।
चालक मनिरामका छोरा १७ वर्षीय आयुस सो दुर्घटनामा घाइते भएका छन्।
उनको गोकुलेश्वर अस्पतालमा उपचार भइरहेकाे छ।
भर्खरै
लोकप्रिय
