काठमाडौँ । नवनियुक्त प्रहरी महानिरीक्षक (आईजीपी) चन्द्रकुवेर खापुङलाई दर्ज्यानी चिह्न प्रदान गरिएको छ।
गृह मन्त्रालयमा बिहीबार आयोजित कार्यक्रममा सचिव गोकर्णमणि दुवाडीले उनलाई दर्ज्यानी चिह्न लगाइदिएका हुन्। भदौ १३ गते बसेको मन्त्रिपरिषद्को बैठकले खापुङलाई ३२औँ प्रहरी महानिरीक्षकमा नियुक्त गरेको थियो।
प्रहरी ऐन र नियमावलीअनुसार उनले छोटो अवधिमात्र प्रहरी नेतृत्व गर्नेछन्। संसदमा छलफलमा रहेको प्रहरी सम्बन्धी विधेयक पारित नभएसम्म खापुङले २ महिना ७ दिन मात्रै प्रहरीको कमान्ड सम्हाल्नेछन्।
खापुङ २०५२ साल कार्तिक २७ गते प्रहरी निरीक्षक पदमा सेवामा प्रवेश गरेका थिए। निर्धारित ३० वर्षे सेवा अवधि पूरा भएपछि उनी आगामी कार्तिक २६ मा अवकाश लिनेछन्।
तेह्रथुमको मेन्छ्यायोम गाउँपालिका–६ मा २०२७ साल मङ्सिर २३ गते जन्मिएका खापुङ हालै प्रहरी संगठनको सर्वोच्च पदमा पुगेका हुन्।
तस्बिरहरूः
भर्खरै
लोकप्रिय
