जनकपुरधाम – एमाले सचिव रघुवीर महासेठले जेन–जी आन्दोलनलाई भडकाउन देशी तथा विदेशी शक्तिले षडयन्त्र गरेको आरोप लगाएका छन्। शुक्रबार जनकपुरधाम स्थित पार्टी कार्यालयमा उनले जेन–जी आन्दोलनको नाममा विभिन्न शक्तिहरु षडयन्त्र गरेर हिंसा भडकाएको आरोप लगाएका छन्।
सचिव महासेठले जेन–जीको आन्दोलनको क्रममा चलेको गोली नेपाल प्रहरी, सशस्त्र प्रहरी तथा नेपाली सेना कसैको नरहेको भन्दै उनले यो आन्दोलन चर्काउनकै लागि सार्पसुटर परिचालन गरिएको आरोप लगाए।
सचिव महासेठले आन्दोलनका क्रममा भएको आगजनी, तोडफोड र लुटपाटमा जेनजी युवाहरूको संलग्नता नरहेको भन्दै उनले भने, ‘जेनजी युवाहरूले माग गलत थिएन, सर्वोच्च जलाउने, हिंसदरबार जलाउने, राष्ट्रपति भवन जलाउने उनीहरुको माग थिएन्। उनीहरुले जायज मागहरू उठाउँदै आएका थिए।’
‘म यो अन्तरिम सरकारसँग माग गर्न चाहन्छु, कुन–कुन शक्ति यो षड्यन्त्रमा संलग्न छन् भन्ने बारेमा गम्भीर छानबिन होस् र दोषीलाई कडाभन्दा कडा कारबाही गरियोस्,’ उनले भने, ‘नेकपा एमाले र नेपाली कांग्रेसका नेताहरुको घर ताकि ताकि जलाइयो।’
भर्खरै
लोकप्रिय
