कार्यकर्तालाई शेखर कोइरालाको आग्रह– अब चुनावमा होमिनुस्

विराटनगर– नेपाली कांग्रेसका नेता डा. शेखर कोइरालाले आफ्ना कार्यकर्तालाई चुनावमा होमिन आग्रह गरेका छन्।

विराटनगरस्थित निवासमा भएको पत्रकार भेटघाट कार्यक्रममा कोइरालाले अब चुनावको विकल्प नभएको भन्दै छ महिनापछि हुने चुनावमा संयम भएर लाग्न आग्रह गरेका हुन्।

उनले कसैसँग डराउनु पर्ने अवस्था पनि नरहेको बताए। ‘म भन्छु कार्यकर्ताहरूलाई पनि भन्छु यो सरकारले छ महिनापछि निर्वाच गराउँदै छ। तपाईंहरू अब चुनावमा लाग्नुस्। संयम हुनुस्। नडराउनुस्’, उनले भने।

जेन-जी आन्दोलनपछि पूर्वप्रधान्यायाधीश सुशीला कार्की नेतृत्वमा बनेको अन्तरिम सरकारलाई चुनाव गराउनेबाहेक अर्को अधिकार नभएको पनि डा. कोइरालाले बताए।

फाइल तस्बिर