मोरङ – अर्थमन्त्री रामेश्वर खनालले जेनजी आन्दोलनका क्रममा घाइते भएका मोरङका सान्तनु ढकाललाई भेटेका छन्। बुधबार विराटनगर आएका अर्थमन्त्री खनालले दिउँसो बूढीगंगा गाउँपालिकास्थित विराट शिक्षण अस्पतालमा उपचाररत १८ वर्षीय ढकालको स्वास्थ्य अवस्था बुझेका थिए।
यसक्रममा अर्थमन्त्री खनालले ढकालको स्वास्थ्य अवस्था, उपचारदेखि आर्थिक पाटोमा जिज्ञासा राखेका थिए। त्यसैगरी, घाइते ढकालले कपीमा लेखेर उनीसँग आफ्ना कुरा ब्यक्त गरेका थिए।
बूढीगंगा गाउँपालिका–७ का स्थानीय ढकाललाई भदौ २३ गते इटहरी उपमहानगरमा भएको आन्दोलनका क्रममा गोली लागेको थियो। अनुहारमा गोली लागेर अस्पतालमा उपचार गरिरहेका ढकालको अस्पतालले निःशुल्क उपचार गरिरहेको छ।
सान्तनुका बुबा महेश ढकालका अनुसार शिक्षण अस्पताल सम्पूर्ण उपचार निःशुल्क भइरहेको छ। उपचार, शल्यक्रिया तथा औषधिसमेत पूर्णरुपमा हस्पिटलले निःशुल्क उपलब्ध गराएको उनले बताए। यसक्रमा उनले सान्तनुको नाममा कसैले पनि आर्थिक संकलन नगर्न आग्रह गरेका छन्।
भर्खरै
लोकप्रिय
