हुम्ला- जाजरकोटको कुशे गाउँपालिकाका अध्यक्षमाथि शारीरिक हमला भएको छ ।
सुर्खेत जाने क्रममा कुशे गाउँपालिकाका अध्यक्ष हरिचन्द्र बस्नेतमाथि आइतबार बेलुकी करिब ६ बजे छेडागाड नगरपालिका–५, चङ्खेलीमा हमला भएको हो ।
अध्यक्षलाई हमला भएपछि बचाउन गएका कुशे गाउँपालिका–४ का नवराज शाही र दिपेन्द्र सिंह गम्भीर घाइते भएका छन् । उनीहरूलाई उपचारका लागि नेपालगञ्ज पठाइएको जिल्ला प्रहरी कार्यालयका प्रहरी निरीक्षक एकबहादुर विकले जानकारी दिए । उनका अनुसार अध्यक्ष बस्नेतलाई भने सामान्य चोट लागेको छ ।
प्रहरीका अनुसार शाही र सिंहलाई चक्कु प्रहार भएको हो । अध्यक्षसहितको टोलीमाथि कुशे गाउँपालिका–४ का नवराज शाही, प्रकाश बस्नेत र रामु बस्नेतले आक्रमण गरेको जनाइएको छ ।
घटनापछि आक्रमणकारी फरार रहेका छन् । उनीहरूको खोजीकार्य भइरहेको प्रहरीले जनाएको छ । साथै छेडागाड नगरपालिका र जुनीचाँदे गाउँपालिकामा सुरक्षाकर्मी परिचालन गरिएको छ ।
अध्यक्ष बस्नेत स्वयं घाइतेहरूलाई उपचारका लागि नेपालगञ्ज पुर्याएका छन् ।
भर्खरै
लोकप्रिय
