पोखरा– गण्डकी प्रदेश सभा सचिवालयले सांसदको व्यक्तिगत विवरण मागेको छ । जेन-जी समूहको आन्दोलनको क्रममा जलेर सम्पूर्ण कागजात नष्ट भएपछि प्रदेश सभा सचिवालयले सांसदको व्यक्तिगत विवरणसहित कागजात मागेको हो ।
गण्डकी प्रदेश सभा नियमावली २०८० को नियम २०३ अनुसार प्रत्येक सदस्यले नियमावलीको अनुसूची – ६ बमोजिमको ढाँचामा व्यक्तिगत विवरण फाराम भरी सचिवालयमा पेस गर्नुपर्ने व्यवस्था अनुसार सांसदहरुले बुझाएका थिए ।
तर, ती सबै फारम आन्दोलनकारीले आगजनी गर्दा नष्ट भएको हो । नष्ट भएपछि कात्तिक मसान्तसम्म फारम भरेर बुझाउन अनुरोध गरिएको प्रदेश सभा सचिवालयका सचिव गोविन्द पौडेलले बताए ।
उनका अनुसार फाराम भर्दा तीनवटा कागजातहरू अनिवार्य रूपमा संलग्न गर्नुपर्नेछ । नेपाली नागरिकताको प्रमाणपत्रको प्रतिलिपि, निर्वाचन आयोगबाट प्रदेश सभा सदस्य पदमा निर्वाचित भएको प्रमाणपत्रको प्रतिलिपि र पासपोर्ट साइजका दुई प्रति फोटो फारमसँगै मागिएको हो ।
भर्खरै
लोकप्रिय
