काठमाडौँ – आजदेखि काठमाडौँमा सुरु भएको चार देशीय अन्तर्राष्ट्रिय महिला च्याम्पियनसिप फुटबलमा म्यानमारले विजयी सुरुवात गरेको छ। आफ्नो पहिलो खेलमा म्यानमारले लेबनानलाई ३-१ ले पराजित गर्दै प्रतियोगितामा विजयी सुरुवात गरेको हो।
पहिलो हाफ गोलरहित बराबरी भएको खेलमा सबै ४ गोल दोस्रो हाफमा सम्भव भएको थियो। पहिलो हाफमा पूर्ण दबाबमा राखे पनि म्यानमारले गोल गर्न भने सकेन। उसले एक दर्जनभन्दा बढी प्रहार गरे पनि लेबनानकी गोलरक्षकले राम्रो बचाउ गरेकी थिइन्।
निरन्तर प्रयासका बाबजुत गोल हुन नसक्दा म्यानमारका लागि पहिलो हाफ निरासाजनक रह्यो। त्यसो त लेबनानले पहिलो हाफमा पाएको एउटा मौका चुकायो।
गोलरक्षक बिट गर्दै लयला स्कन्दरले गरेको प्रहार पोलमा लाग्दा अग्रताको मौकाबाट लेबनान चुकेको थियो। तर, दोस्रो हाफमा म्यानमारले गोल गर्दै खेलमा अग्रता बनाउन सफल भयो।
भर्खरै
लोकप्रिय
