एजेन्सी-पाकिस्तानमा सक्रिय आतंकवादीलाई नियन्त्रण गर्न अमेरिका र चीनले सहकार्य गर्ने भएका छन्।
अमेरिकी राष्ट्रपतिको कार्यालय ह्वाइट हाउसका एक अधिकारीले यस विषयमा अमेरिकाले चीनसँग सहकार्य गरी पाकिस्तानमा सक्रिय आतंकवादीलाई ध्वस्त गर्ने बताएका छन् । यसमा पाकिस्तानलाई विश्वासमा लिने काम भइरहेको उनले बताएका छन्।
उनले नाम नखुलाउने सर्तमा यस्तो जानकारी दिएका हुन्। अफगान शान्ति र क्षेत्रीय स्थिरताका लागि अमेरिकाले यसो गर्नुपरेको उनले खुलासा गरेका छन् । चीनले पनि यस विषयमा पाकिस्तानलाई सम्झाउनुपर्ने अमेरिकी बुझाइ छ।
अमेरिका र पाकिस्तानबीच आतंकवादको विषयलाई लिएर गत सातादेखि सम्बन्धमा कटुता आएको छ। अमेरिकाले पनि पाकिस्तानलाई दिएको सहयोग कटौती गर्ने घोषणा गरेको छ । पाकिस्तानले पनि अमेरिकाले झूट बोलेको र आफ्नो सहयोगको अवमूल्यन गरिएको बताउँदै आएको छ।
चीन र पाकिस्तानबीच आर्थिक करियरको चर्चा गर्दै उनीहरूबीच पुरानो सम्बन्ध र आर्थिक सम्बन्ध सुदृढ भएको उनले बताए। आतंकवादको समस्यालाई लिएर चीन र अमेरिकाबीच समान धारणा भएको उनको बुझाइ छ ।
चीनले पनि आफ्नो लगानी गरेको ठाउँमा आतंकवाद अन्त्य हुनुपर्ने विचार राखेको ती अमेरिकी अधिकारीले बताए।
यो पनि हेर्नुहोस्:
भर्खरै
लोकप्रिय
