जनकपुरधाम– मधेस प्रदेशमा सञ्चालनमा रहेको अधिकांश अस्पताल अवैध रहेको पाइएको छ। केही सातादेखि मुख्यमन्त्री सतिशकुमार सिंहले थालेको अनुगमनको क्रममा अधिकांश अस्पताल अवैध देखिएको हो।
स्वास्थ्य तथा जनसंख्या मन्त्रालयका जनस्वास्थ्य अधिकृत संतोष ठाकुरले मुख्यमन्त्रीले अनुगमन गरेको ९६ वटा अस्प्तालमध्ये ५८ वटा अवैध रहेको बताए। उनले मुख्मन्त्रीले अनुगमनको क्रममा मुख्यमन्त्री सतिशकुमार सिंहले उक्त अस्पताल बन्द गरेको बताए।
यस्तै, सञ्चालन स्वीकृति रहेको तर नवीकरण नगराएको २३ वटा अस्पताललाई २ महिनाभित्र नवीकरण गराउन भनिएको छ। मुख्यमन्त्री सिंहले अहिलेसम्म अनुगमन गरेको अस्पतालहरुमध्ये १५ वटा अस्पतालसँग मात्र सञ्चालन स्वीकृति र नवीकरण रहेको छ।
अनुगमत समितिका सदस्य सचिवसमेत रहेका ठाकुरका अनुसार अनुगमनको क्रममा धनुषाको २२, रौतहटको २१, सर्लाहीको ९, महोत्तरीको ५ र पर्साको एउटा अस्पताल बन्द गरिएको छ। यस्तै, धनुषाको ९, पर्साको ४ तथा महोत्तरी र रौतहटको १।१ वटा अस्पताल वैध रुपमा सञ्चालित रहेको छ। यी १५ वटा अस्पतालले सञ्चालन अनुमति र नवीकरण गरेको ठाकुरले बताए।
सञ्चालन अनुमति लिएको तर नवीकरण नगरेको धनुषाको १७, महोत्तरी र पर्साको ३।३ वटा अस्पताललाई दुई महिनाभित्र नवीकरण गराउन भनिएको छ।
भर्खरै
लोकप्रिय
