काठमाडौं- संघीय संसद्अन्तर्गत आइतबारको प्रतिनिधिसभा बैठक जारी रहेको छ। ११ बजे भनिए पनि केहीबेर ढिलो गरी सुरु भएको बैठकमा अधिकांश सांसद् भने अनुपस्थित छन्।
बैठकमा सांसद् नै नआउने र आएका पनि हाजिर गरेर फर्किहाल्ने प्राय:संसद् बैठकको वास्तविकता बन्ने गरेको छ।
आजको बैठक पनि खाली कुर्सीकाबीच सुरू भएको हो। अधिकांश सांसद् अनुपस्थित छन्। बैठकमा भएका केही सांसद्मा पनि खासै उत्साह देख्न पाइँदैनन्। कतिले हाई काढ्दै बसेका छन् भने कोही फोन हेर्दै गालामा हात लगाएर बसेको तस्बिरमा देख्न सकिन्छ।
आजको बैठकमा आर्थिक कार्यविधि तथा वित्तिय उत्तरदायित्व (पहिलो संशोधन) विधेयक, २०८१ माथी विचार गरियोस् भन्ने प्रश्ताव प्रश्तुत गर्ने, निजीकरण (पहिलो संशोधन) विधेयक, २०८१ माथी विचार गरियोस् भन्ने प्रस्ताव प्रस्तुत गर्ने कार्यसूची छ।
साथै, आर्थिक तथा व्यवसायिक वातावरण सुधार र लगानी अभिवृद्धि सम्बन्धी केही नेपाल ऐनलाई संशोधन गर्ने विधेयक, २०८१ माथि विचार गरियोस् भन्ने प्रस्ताव प्रस्तुत गर्ने कार्यसूची रहेको छ ।
तस्बिरहरू:
भर्खरै
लोकप्रिय
